تحويلةالبرنامج اللي بيحصّل فلوسك على الواتساب لوحده
كل عميل وعليه كام، كل محفظة وفاضل فيها كام، والدرج متقفل في دقيقة. واللي عليهم فلوس بيوصلهم تذكير على واتساب من غير ما تكلّم حد.
- شغّال من غير إنترنت
- عربي بالكامل وسهل
- بياناتك على جهازك
لسه شغّال بالكشكول والآلة الحاسبة؟
المحل بيكسب في العمولة، وبيخسر في الحاجات الصغيرة اللي بتتنسي.
"هدفع بكرة"
والفلوس بتتنسي في الكشكول، وتكسف تفكّره كل شوية.
المحفظة قفلت في وشك
وصلت لحدها اليومي والعميل واقف، ومش عارف أنهي خط فاضي فيه.
التقفيل آخر اليوم
ساعة حسابات، ولو فيه عجز في الدرج مش عارف جه منين.
التذكير بيتبعت لوحده
اربط رقم المحل مرة واحدة، والبرنامج يعرف مين عليه فلوس ويبعتله تذكير مهذب في المواعيد اللي تحددها، بحد يومي علشان رقمك يفضل آمن.
- تذكير تلقائي باللي عليهم فلوس، أو راجع القائمة وابعت بضغطة
- إيصال على واتساب للعميل بعد كل معاملة
- كشف حساب PDF يتبعت للعميل
- ملخص يومي بحركة المحل يوصل لموبايلك
كل خط وفاضل فيه كام
فودافون كاش، اتصالات، أورنج، وي وإنستاباي في مكان واحد. كل سحب وإيداع بيتسجل ويتحسب عليه الحد.
- حد يومي لكل محفظة، وتنبيه قبل ما توصله
- العمولة بتتحسب مع كل عملية
- اربط العملية بالعميل وابعتله رسالة بيها
اقفل يومك في دقيقة
البرنامج عارف الفلوس اللي المفروض تكون في الدرج من كل عملية ومصروف. عدّ الكاش، وأي عجز أو زيادة بيتسجل.
- حاسبة فلوس لعدّ الكاش بالفئات
- كل حركة دخلت أو خرجت من الدرج
- تقفيل يومي وتقارير Excel بضغطة
وكمان…
كل اللي المحل محتاجه في برنامج واحد.
حسابات العملاء
كل عميل وليه كام وعليه كام، ورصيده قبل وبعد كل معاملة، وبحث بالاسم أو الرقم.
حملات واتساب
عرض أو خبر لكل عملائك مرة واحدة، بصورة أو فيديو أو ملف.
تنبيهات المحافظ
تعرف أنهي خط قرب يخلص حده النهارده قبل ما العميل يقف.
المصروفات
سجّل كل مصروف ومعاه صورة الفاتورة.
إحصائيات
مين أكتر عملاء بيتعاملوا، مين بيتأخر في الدفع، وحركة المحل بالرسوم.
تقارير Excel
كل الحسابات في ملف Excel بضغطة زرار.
سريع على الكاونتر
اختصارات كيبورد، ومعاملة جديدة من أي شاشة بـ Ctrl+N.
حاسبة الفلوس
عدّ الكاش بالفئات واطبع إيصال.
نسخ احتياطي تلقائي
نسخة من بياناتك كل يوم، وترجّعها بضغطة.
النت فصل؟ عادي.
تحويلة برنامج على الكمبيوتر، مش موقع. بيشتغل بالكامل من غير إنترنت، وبياناتك على جهازك انت، مش على سيرفر حد.
النت محتاجه بس للواتساب، ولأول تفعيل.
- بياناتك عمرها ما تتقفلحتى لو الاشتراك خلص، تقدر تشوف بياناتك وتصدّرها وتاخد نسخة منها.
- نسخة احتياطية كل يومالبرنامج بياخد نسخة لوحده، وترجّعها وقت ما تحب.
- ويندوزشغّال على أي كمبيوتر ويندوز 10 أو 11.
الكشكول ولا تحويلة؟
| الكشكول | تحويلة | |
|---|---|---|
| اللي عليهم فلوس | بتفتكرهم انت وتكلّمهم | تذكير على واتساب لوحده |
| حد المحافظ | بتعرف لما يقفل | تنبيه قبل ما يقفل |
| التقفيل | ساعة بالآلة الحاسبة | دقيقة، والعجز متسجل |
| كشف حساب العميل | تقلّب في الصفحات | PDF يتبعتله على واتساب |
| لو ضاع | ضاع كل حاجة | نسخة احتياطية كل يوم |
الأسعار
جرّب كل حاجة 14 يوم ببلاش، وبعدها اختار اللي يناسبك. نفس البرنامج ونفس المميزات في الاتنين.
شراء مرة واحدة
عرض الافتتاح لأول 50 محل · بدل جنيه
- بتدفع مرة واحدة ومبيخلصش
- تحديثات المميزات سنة كاملة
- إصلاحات الأعطال دايمًا ببلاش
الدفع بإنستاباي أو أي محفظة. التفعيل بيوصلك على واتساب في نفس اليوم.
أسئلة بتتسأل كتير
محتاج إنترنت علشان البرنامج يشتغل؟
لأ. البرنامج بيشتغل بالكامل من غير نت. النت محتاجه بس لإرسال رسايل الواتساب، ولأول مرة بتفعّل فيها البرنامج بالكود.
شغّال على أنهي كمبيوتر؟
أي كمبيوتر ويندوز 10 أو 11. مش محتاج جهاز قوي.
واتساب ممكن يقفل رقمي؟
البرنامج بيبعت بحد يومي وبفواصل بين الرسايل علشان يفضل آمن، وأي عميل يرد بإنه مش عايز رسايل بيتشال من القائمة لوحده. وبننصح دايمًا برقم خاص بالمحل.
لو الكمبيوتر باظ هتضيع البيانات؟
البرنامج بياخد نسخة احتياطية كل يوم. انقل النسخة على فلاشة أو درايف، وترجّعها على أي جهاز جديد في دقايق.
إيه اللي يحصل لو الاشتراك خلص؟
عندك أسبوع سماح تشتغل فيه عادي. بعدها البرنامج يفتح للعرض بس: تقدر تشوف بياناتك وتصدّرها وتاخد نسخة منها، بس مش هتقدر تسجّل جديد لحد ما تجدد. بياناتك عمرها ما بتتقفل.
ويندوز بيقول البرنامج مش معروف؟
ده تحذير عادي من ويندوز لأي برنامج جديد. اضغط «More info» وبعدين «Run anyway». ولو محتاج مساعدة كلمنا على واتساب وهنسطّبهولك.
ينفع أنقل حساباتي من Excel؟
أيوه، البرنامج بيستورد من Excel. ولو محتاج مساعدة في النقل كلمنا.
جرّب تحويلة في محلك
سيب بياناتك وهنكلمك على واتساب، نبعتلك البرنامج ونساعدك تسطّبه وتبدأ.
- سيب اسمك ورقمك
هنكلمك على واتساب في نفس اليوم. - نزّل البرنامج
على أي كمبيوتر ويندوز، وكل المميزات مفتوحة 14 يوم. - لو عجبك فعّله
بكود بيوصلك على واتساب، وبياناتك زي ما هي.